Капитенска трака и 8 милиони евра по сезона за Буфон

Буфон ќе го напушти Јувентус на крајот од сезоната, но сé уште не е јасно дали ова ќе значи крај на неговата кариера или 40-годишниот голман ќе ја чува мрежата на друг клуб во следната сезона.

Во изминатите неколку дена се појавија информации дека ПСЖ подготви сериозна понуда за Буфон, а Ле Парисиен најави дека во игра е двогодишен договор. Подоцна, Скај Италија потврди дека шампионот на Франција сака да го доведе искусниот Италијанци во нивните редови.

Меѓутоа, сега италијански „Премиум Спорт“ тврди дека ги дознал деталите за договорот на ПСЖ со Буфон, како би го намамиле за да премине во ПСЖ. Наводно, на Буфон му е понудена плата од осум милиони евра по сезона, но исто така и капитенската трака на парижаните.

Капитенот на Пари Сен Жермен во моментов е искусениот бразилски дефанзивец Тиаго Силва, а дали ќе остане без лента и дали Буфон навистина ќе стигне на Парк на Принцовите останува да видиме.