Кошарка
Кливленд против Индијана бара излез од серијата порази
Минатогодишниот финалист во плејофот, Кливленд Кавалирс претрпе нов убедлив пораз, откако ноќеска на гостувањето во Торнонто загуби со 133-99.
Уште на полувремето домашниот тим создаде голема предност од 25 поени, која во вториот дел постепено и ја зголемуваше, за на крајот „Репторси“ да слават со убедливи 34 поени разлика. Дури седуммина играчи на Торонто средбата ја завршија со двоцифрен број на постигнати поени. Најмногу постигна Фред Ван Влет 22 што е негов рекорд во кариерата, додека забележителен настап имаше и Литванецот, Јонас Валанчиунас со дабл-дабл учинок од 15 поени и 18 скокови, најмногу сезонава.
На Кливленд не му помогна нити Леброн Џејмс кос со 26-те поени беше најефикасн на натпреварот. За Кливленд ова беше шести пораз на последните осум натпревари, со што „Кавси“ паднаа на третата позиција на табелата во Источната конференција, зад Бостон и синоќешниот противник Торонто.
Следен натпревар за Кливленд е Индијана, екипа која се бори да остане во носителите во плејофот во истокот.