Клоп знае што е големата предност на Ливерпул во однос на Реал Мадрид

Менаџерот на Ливерпул, Јирген Клоп верува дека неговиот тим би можел да биде во предност во финалето на Лигата на шампионите.

Клоп е свесен дека во финалето сè е можно и дека неговиот тим игра против најтрофејниот клуб во светот, Реал Мадрид, но тој се потпира на една предност.

„Ќе бидеме свежи, имаме можност добро да ги наполниме батериите. Нам ни остануваат 13 дена за одмор од последниот натпревар, а на Реал Мадрид седум дена. Тоа е голема разлика и, секако, тоа би можело да биде важно за финалето“, рече Клоп.

Финале во Киев се игра на 26 мај, а „Редси“ вчера лесно го победи Брајтон и на тој начин обезбеди пласман во следната сезона во Лигата на шампионите.

„Ние сега имаме доволно време за да се одморат и да се подготвиме за Реал. Фудбалерите ќе продолжат со тренинзите, но во следните денови тоа ќе биде малку „полесно“ од вообичаеното, а една недела пред финалето ќе имаме нешто поинтензивни подготовки“, заклучува Германецот.

Иако многумина ќе речат дека Мухамед Салах најголем адут Ливерпул, но можеби баш таа разлика во бројот на денови за да се подготват и одмор може да биде пресудна во Киев.