Кнате: Сари ми одреди нова позиција

Францускиот репрезентативец Н’Голо Канте се пофали со нова позиција  која му ја додели новиот менаџер Маурицио Сари.

Челзи вчера со 3:0 го совлада Хедерсфилд, а првиот гол на натпреварот го постигна Канте.

Не е вообичаено Канте да дава голови, но сега како Сари му дава шанса да игра повеќе напред, очигледно ќе биде во можност почесто да дава голови.

„Нов менаџер и нов систем. Играме по офанзивно и ќе дадам се од себе за целата екипа да биде добра во новата сезона“, порача Канте, па додаде:

„Со овој систем каде и јас играм офанзивно и каде почесто сум во контакт со напаѓачите се надевам дека можеме да го загрозиме Арсенал во второто коло“ истакна Французинот.