Ракомет
Конечно Вардар се радуваше, победа против Нексе
Актуелниот европски првак конечно забележа победа, но овој пат во СЕХА лигата. Вардар славеше на гостински терен против Нексе со 31:30, минимален резултат, но ако се знае дека реваншот го игра на домашен терен, тогаш оваа предност може да се покаже како голема.
Ова е прва гостинска победа на „црвено-црните“ од декември минатата година кога славеа против Војводина, исто така во СЕХА лигата.
Тимур Дибиров имаше одлично попладне и постигна 12 погодоци, а го следеше Скубе со 6. Во спротивниот табор најефикасен беше Пешиќ со седум погодоци.
Реваншот од ова четвртфинале се игра на 15-ти март во Скопје.