Куман, по средбата со Лео: „Меси е Барселона, а Барселона е Меси“

Само неколку часа по средбата со sвездата на Барселона, Лионел Меси, младиот тренер на Каталонија, Роналд Куман, даде интервју за холандските медиуми, каде ја потврди важноста на Меси за клубот.

57-годишниот холандски тренер зборуваше со суперлативи за аргентинскиот напаѓач и изрази убедување дека ќе ја заврши кариерата во Барселона, откако го нарече Меси амблем за каталонскиот клуб.

„Јас сè уште имам контакти со Гвардиола и тој ми кажува дека е фантастично да се работи со Меси. Тој е победник и кога не победува, се нервира. Морам да се осигурам дека тој се чувствува важен, бидејќи Меси треба да остане тука. Меси е Барселона, а Барселона е Меси“, рече Куман.

Во меѓувреме, продолжуваат шпекулациите за евентуално заминување на Лео од Барселона. Пријавено е дека Интер, Манчестер Сити, Јувентус и ПСЖ се подготвени да ги отворат касите за да го грабнат шесткратниот победник на „Златната топка“.