Ракомет
Лазаров: Ја урнавме гранитната одбрана на Вујовиќ
Со резултат 25:24 Македонија ја декласираше Словенија, актуелниот освојувач на бронзата од последно Европско првенство.
„Се чувствуваме како да играме дома, во Македонија. Им благодариме многу на сите во публиката. Одигравме паметно и машко. Кој разбира ракомет и спорт воопшто, ќе сфати дека Вујовиќ постави гранитна одбрана, но ние добро проценивме и игравме паметно.“ изјави Кире Лазаров по натпеварот.
Словенците на 15 минути пред крајот повторно фатија приклучок и преку Заребец израмнија на 17: 17.
Последните неколку минути беа драматични, но завршија во полза на македонската ракометна репрезентација.