Фудбал
Легендата на Милан, Андриј Шевченко замалку ќе загинел во руското гранатирање на неколку градови во Украина: Бев во воз кога почнаа да паѓаат ракетите…
Легендарниот фудбалер на Милан и Украина, Андриј Шевченко објави видео на својот Инстаграм и откри дека замалку ќе загинел утрово кога Русија ракетираше неколку украински градови, а меѓу нив и Киев. Како што вели, тој бил во воз кога почнале да паѓаат ракетите.
-Русија лансираше 80 проектили и 24 дронови камикази кон нашата татковина. Киев, Харков, Запорожје, Черновци, Сума, Криви Рих, Днепар. Бев во возот кога почна гранатирањето, моравме да застанеме на сред поле. Неколку часа изгледаа како вечност. Едно сакам да кажам – гранати, ракети, напади, ништо нема да ги скрши Украинците. Можат да ни ги земат домовите, улиците, не нашата храброст, достоинство и волја за слобода. Ќе ја браниме Украина, ќе пееме во засолништата и ќе се бориме до крај. Во овој мрачен ден, благодарни сме на сите, без разлика дали чувствувате грижа, љубов, емпатија, гнев, вашите емоции нека бидат донација и уште еден чекор кон нашата заедничка победа“ – напиша Шевченко на својот Инстаграм профил.
View this post on Instagram
