Фудбал
„Лидс Јунајтед е поголем клуб од Манчестер Сити“
Поранешниот холандски фудбалер Џими Флојд Хаселбаинк тврди дека Лидс Јунајтед е поголем тим од Манчестер Сити.
Тимот од „Еланд Роуд“ се врати во Премиер лигата по 16 години. Насекаде се слави во овој град , а Хаселбаинк, кој го носеше дресот на Лидс од 1997 до 1999 година, е пресреќен поради тоа.
Нема никаква дилема за легендарниот напаѓач. Најдобро е што Лидс се врати.
„Лидс е единствената голема екипа во Јоркшир. Луѓето треба да бидат горди на клубот. Погледнете во Лондон. Тие имаат безброј клубови. Манчестер ги има Јунајтед и Сити. Ливерпул ги има Ливерпул и Евертон. Лидс го има само Лидс и кој е роден таму е навивач до смр“, тој рече.
И потоа додаде:
„Лидс Јунајтед е поголем клуб од Манчестер Сити. Како клуб тие имаат поголем потенцијал од нив. Атмосферата е уникатна, нема стадион кој прави повеќе врева од „Еланд Роуд“. Навивачите се луди за Лидс“, рече Хаселбаинк.
Лидс има три шампионски титули во историјата, од кои последната дојде во 1992 година.
