Луис Суарез ја напушта Барселона?

Уругвајскиот напаѓач Луис Суарез (31) со изненадувачки трансфер може да ја напушти Барселона.

Шпанските медиуми тврдат дека каталонскиот гигант е подготвен да се откаже од 31-годишниот напаѓач, кој може да се врати во Ливерпул.

Доколку успеат да го донесат Гриземан, сигурно е дека уругваецот ќе го напушти Камп Ноу, а интерес за него  покажува менаџерот Јирген Клоп.

Германскиот експерт смета дека Суарез дополнително ќе го засили нападот со неговото искуство и квалитет и дека е заинтересиран да го врати на Енфилд, каде што играл од 2011 до 2014 година.

Суарез во Ливерпул одигра 133 натпревари и постигна 82 гола, потоа замина во Барса со што ги освои речиси сите можни трофеи и постигна 152 гола во 197 настапи.