Македонија убедлива во првата контролна против Србија

Ракометната репрезентација на Македонија оствари победа против Србија со 37-31 (19-13) во првата од двете контролни средби пред СП 2019, кое се игра од 10 до 27 јануари во Германија и Данска.

Вечерва во „ВИП арена“ во Скопје, избраниците на Раул Гонзалез целосно доминираа во мечот. Во 42. минута, „црвено-жолтите“ стигнаа и до двоцифрена предност (27-17) а потоа смирено го приведоа натпреварот кон својот крај и конечна победа од +6 разлика.

Најпрецизни во составот беа Манасков со 9, Кузмановски со 6 и Лазаров со 5, додека кај Србија Марсениќ реализираше 3 голови.

Втората проверка се игра утре, 6 јануари, но средбата ќе биде од затворен карактер.