Манчестер Јунајтед нуди 55 милиони евра за Киеза?

Според италијанскиот весник „Ла Назионе“, Манчестер Јунајтед му испратил на Фиорентина понуда за Федерико Киеза.

Италијанскиот интернационалец се поврзува со голем број на великани од Серија А, вклучувајќи ги Јувентус и Интер, но сега наводно Манчестер почнува да се интересира за младиот напаѓач.

Роко Комиссо, претседателот на Фиорентина, претходно истакна дека ќе го ослободи Киеза само во случај да дојде „вистинска и конкретна понуда“, па се поставува прашањето дали 55-те милиони евра што Јунајтед е подготвен да ги плати, се доволни за да се откаже од својот капитал?

22-годишниот напаѓач оваа сезона постигна 10 голови во Серија А и во изминатите неколку сезони постигнува двоцифрени голови, поради што е баран.

„Црвените ѓаволи“ завршија на третото место во Премиер лигата минатата сезона и се квалификуваа во Лигата на шампионите, па затоа се очекува дека тие дополнително ќе го засилат тимот. Потписот на Џејдон Санчо се очекува наскоро, а очигледно дека ќе има поквалитетни играчи на „Олд Трафорд“.