Фудбал
Манчестер Јунајтед официјално отпиша седум играчи, меѓу кои и 60 милиони платениот напаѓач
Утрово Манчестер Јунајтед излезе со соопштение за медиумите во кое потврди дека договорите со клубот не ги продолжиле седум играчи кои од денеска и официјално се слободни фудбалери на пазарот.
ℹ️ Our retained list has been announced following the conclusion of the 2023/24 season.#MUFC
— Manchester United (@ManUtd) June 5, 2024
Очекувано, ова лето ќе биде жешко за раководството на Манчестер Јунајтед, кое пред се треба да се ослободи од фудбалерите кои се вишок. Првиот во серијата заминувања е Антони Марсијал, некогашниот француски напаѓач вреден 60 милиони евра, кој никогаш не импресионирал на Олд Трафорд. Заедно со Марсијал утрово и официјално беше потврдено заминувањето на некогаш познатиот стопер на Реал Мадрид, Рафаел Варан и еден од најталентираните крилни играчи на клубот, Брендон Вилијамс.
Покрај тројца поискусни фудбалери, клубот официјално го напуштија и младите Чарли Мекнил, Маркус Лоренс и Ки Пламли. Исто така, клубот нема да ја продолжи соработката со ветеранот Том Хадлстон, кој имаше неколку улоги во клубот и играше повремени натпревари и беше тренер на тимот до 21 година. За разлика од споменатите седуммина, клубот потврди дека се уште е во преговори со ветераните Џони Еванс и Том Хитон околу продолжување на соработката. Продолжен е и договорот на Омари Форсон. На крајот, Манчестер Јунајтед сепак успеа да ја спаси сезоната со освојување на ФА Купот и пласман во Лига Европа, па Европа нема да остане сон за следната година.