Манчестер Сити го доби дербито против Арсенал

Екипата на Манчестер Сити го победи Арсенал во првиот од двата дерби дуели кои се играат денеска во англиската Премиер лига.

На средбата од 9.коло Манчестер Сити го совлада Арсенал со 3-1. Головите за популарните „граѓани“ ги постигнаа, Кевин Де Бруине (19.минута), Серхио Агуеро (50) од пенал и Габриел Хесус (74), додека голот за Арсенал го постигна Александр Лаказет (65).

На првиот меч од денешната програма Тотенхем минимално со 1-0 го победи Кристал Палас.

Вечерва се играат последните два меча од оваа рунда. Во Лондон, дербито меѓу Челзи и Манчестер Јунајтед, додека во Ливерпул, Евертон го пречекува Вотфорд.