Мата не размислува за „одмазда“ кон Челзи

Шпанскиот репрезентативец Хуан Мата вели дека не ни помислува на зборот „одмазда“ не во пресрет на големото англиско дерби меѓу Манчестер Јунајтед и Челзи.

Мата кој од Челзи мина во редовите на Манчестер Јунајтед не радо се присетува на минатогодишното гостување на „Стенфорд Бриџ“ кога Челзи забележа убедлива победа со 4-0.

„Не размислувам за никаква одмазда. Поразот од последното гостување во Лондон е минато, а ние сега сме фокусирани на сегашноста. Мислам дека имаше реални шанси да позитивен резултат“, изјави Мата за англиските медиуми.

Шпанецот искажа голем оптимизам, потенцирајќи го големиот притисок кој секогаш е карактеристичен за овој дуел.

„Постои голем притисок околу овој меч, но ние ќе се обидеме да играме и ќе се обидеме да победиме“, дополни Мата.

29-годишниот Мата во Челзи играше три сезони по што 2014-година мина во редовите на Манчестер Јунајтед.

Покрај Мата на дербито кое ќе се игра утре (недела) внимание ќе привлече и тренерот на „црвените ѓаволи“ Жозе Мурињо кој со Челзи три пати беше англиски шампион.