Мата останува во Јунајтед уште една година

Хуан Мата го продолжи договорот со Манчестер Јунајтед на уште една година. Неговиот актуелен договор истекуваше на крајот на оваа сезона, а со новиот тој се обврза на соработка со „црвените ѓаволи“ до летото 2019 година.

Претходно, менаџерот на Јунајтед Жозе Мурињо изјави дека 29-годишниот Мата останува во неговите планови, и покрај доаѓањето на Алексис Санчез од Арсенал.

Мата во Манчестер дојде од Челзи во 2014 година. Шпанецот на 172 натпревари постигна 39 гола.

– Среќен сум во Манчестер и сметам дека секој фудбалер треба да се чувствува привилегиран да биде тука. Откако ќе станете дел од тимот на Јунајтед, живот повеќе не е ист. Се се менува затоа што веќе сте дел од еден од најголемите клубови во историјата на фудбалот, изјави Мата.