Меси го изедначи историскиот рекорд на Герд Милер

Лионел Меси синоќа го постигна вториот гол за Барселона во победата над Виљареал (2:0), што е негов 525-ти погодок во дресот на каталонскиот клуб.

Аргентинецот го изедначи историскиот рекорд на легендарниот напаѓач на Баерн Минхен, Герд Милер.

Меси веќе следената недела на дуелот против Депортиво Ла Коруња ќе има шанса да го надмине Милер и да стане најефикасен играч во петте најсилни европски фудбалски лиги (Англија, Германија, Шпанија, Италија, Франција).

– Тоа што го прави Меси е надчовечки. Тој ќе соборува уште многу рекорди, е реакцијата на неговиот тренер Валверде.