Меси може да замине од Барслеона и без заштитна клаузула

Аргентинската фудбалска ѕвезда Лионел Меси потпиша во крајот на ноември нов договор со Барселона во кој отштетната клаузула во случај на негово заминување од каталонскиот клуб е 700 милиони евра.

Но, во договорот постои одредба според која Аргентинецот може да го напушти клубот без надомест доколку Каталонија се отцепи од Шпанија.

Во случај Барселона да не игра повеќе во шпанската лига, Меси може да си замине во француска, германска, англиска лига или некој клуб од шпанска лига, открива весникот Ел Мундо дел од неговиот договор.

Барселона ќе му исплаќа на Меси по 27 милиони евра по сезона, а само за потписот добил бонус од 90 милиони. Меси е во Барселона од 2000 година.