Милан купи талентиран напаѓач од клубот на Ибрахимовиќ

Милан инвестираше во иднина, па затоа го купија 17-годишниот напаѓач Емил Робак за 1,5 милиони евра.

Шведскиот весник „СпортЕкспрес“ тврди дека „росонерите“ постигнале договор со Хамарби за купување на талентиран млад напаѓач, и дека клубот што го поседува напаѓачот на Милан, Златан Ибрахимовиќ, ќе добие 1,5 милиони евра.

Наводно, и Арсенал го следел младиот човек кој одиграл неколку натпревари за шведската кадетска репрезентација.

Брзоногиот напаѓач се очекува да помине медицински преглед во Милано, а потоа и официјално да започне ново поглавје во неговата кариера, и се надева дека ќе добие шанса на „Сан Сиро“ во наредните година или две.