Connect with us

Фудбал

Млада ѕвезда на Реал Мадрид со гест за Украинците кои долго ќе го паметат (ВИДЕО)

Едуардо Камавинга синоќа играше за У21 репрезентацијата на Франција против Украина.

Натпреварот одигран во квалификациите за Европското првенство заврши со резултат 3:3, а младата ѕвезда на Триколорите и Реал Мадрид направи одличен гест.

Камавинга по натпреварот реши да ја посети соблекувалната во која беа украинските играчи, па им ги подари дресовите на француската репрезентација.

-Знаеме дека поминувате низ лошо време и тоа е подарок за сите“, изјави Камавинга, кој го освои својот прв трофеј во Лигата на шампионите пред неполни две недели, кога славеше со Реал во Париз против Ливерпул (1-0).

Фудбалерот на Реал Мадрид стартуваше во првите две победи на Франција до 21 година против Ерменија и Србија. Тој влезе во второто полувреме од вчерашното реми против Украинците.

Франција заврши на првото место во групата Х од квалификациите со 26 бодови, додека Украина е втора со 20 бодови. Младите Французи на тој начин директно се пласираа на EP.