Многу играчи на Јунајтед длабоко ќе жалат што не освоија место во Лигата на шампионите

Фудбалерите на Манчестер Јунајтед ќе мора да претрпат кратење на платите поради неуспешната сезона.

Една од главните цели на Јунајтед беше пласман во Лигата на шампионите, но сега останува да се види дали „црвените ѓаволи“ следната сезона ќе играат во Лигата на Европа или во Конференциската лига, бидејќи стана јасно дека не можат да завршат меѓу најдобрите четири тима во ПЛ.

Да не зборуваме за какво понижување е тоа за Јунајтед, а според добро информираните новинари на Атлетик, многу ѕвезди имаат клаузула во договорите со која се обврзуваат на намалување на платите за 25 отсто доколку клубот не успее да се пласира во Лигата на шампионите.

Ова беше мрачна сезона за Манчестер Јунајтед, кој победи на само три од претходните 12 натпревари и се чини дека пропушта место во најдобрите четири.

Имаат само два натпревари до крајот, а се чини дека имаат недостижни пет бода зад четвртопласираниот Арсенал.

Најплатените играчи на Јунајтед се Давид Де Геа, Џејдон Санчо и Рафаел Варан, кои заработуваат преку 17,5 милиони фунти годишно и многу ќе го почувствуваат намалувањето на банкарските сметки што ги очекува.

На некои, како Погба, Матиќ, Лингард или Мате, договорот на лето секако им истекува, па дури и не ги засега намалувањето доколку не потпишат нови договори, но се верува дека повеќето ќе си заминат од клубот.

По нивниот последен домашен натпревар оваа сезона против Брентфорд во понеделник, 2 мај, Рагник призна дека не е задоволен од времето на чело на Црвените Ѓаволи.

Германецот следната сезона ќе ја преземе советничката улога во клубот, а ќе ја преземе и репрезентацијата на Австрија, додека тимот ќе го предводи познатиот холандски стручњак Ерик тен Хаг, кој со голем успех го предводеше Ајакс.

„Не сум целосно задоволен од тие шест месеци. Очекував да се пласираме во Лигата на шампионите, тоа беше целта што ја имавме. Особено не сум задоволен од резултатите во последните пет или шест недели. Но, морам да кажам ни недостигаа многу играчи поради повреди „Имаше добри моменти, но генерално ни недостигаше постојаност, ни требаше многу повеќе“, изјави Рангник.