Модриќ: Би сакал да играм покрај Зидан

Во интервју за „France Football“ Лука модриќ откри дека би сакал да игра покрај Зинедин Зидан.

Модриќ неодамна ја доби „The Best“ наградата на ФИФА, откако имаше фантастична сезона која ја круниса со сребро на Светското првенство во Русија.

„Кога би можел да бирам било кој соиграч на светот, тогаш би го избрал Зинедин Зидан“, рече Модриќ за францускиот весник, па потоа ги спореди Роналдо и Мбапе.

„Роналдо е над сите, но Мбапе уште многу ќе напредува“, тврди Лука.

Комплетното интервју „France Football“ треба да го објави денеска.