Модриќ на чекор до Пушкаш и рекорд во Реал Мадрид

Реал Мадрид го презеде врвот во шпанското првенство откако на гостински терен го совлада Кадиз со 3:0 во натпреварот од 14. коло на националниот шампионат. Лука Модриќ настапи до 70. минута од средбата во која беше и асистент за 2:0. Со својот настап во неделата тој ја испиша историјата на Реал Мадрид.

Според As, Франциско Бујо повеќе не е вториот најстар играч кој настапувал за Реал во шпанското првенство. Бујо го одигра својот последен првенствен натпревар за Реал во 1996 година на 38 години и 63 дена, а Модриќ играше во неделата на 38 години и 78 дена.

Покрај тоа, овој меч за Модриќ беше 161. откако наполни 35 години. Тој стана играч со најмногу натпревари за Реал во ерата на ветераните со соборувањето на Бујо, кој застана на 160 натпревари за Реал по 35-годишна возраст. За да стане клупски рекордер, Модриќ ќе мора да остане таму некое време.

Ференц Пушкаш беше најстариот играч кој настапил на првенствен натпревар за Реал. Тоа го направил во 1965 година на возраст од 38 години и 233 дена. Модриќ сега е најстариот во последните 58 години, а за апсолутен рекорд му треба минутажа на 5 мај на „Сантијаго Бернабеу“. Како и вчера, кога го престигна Бујо, противник на Реал во мечот каде Модриќ ќе се обиде да го претекне Пушкаш ќе биде Кадиз.

АС пишува за искусниот „генијалец од Задар“ и тврди дека во 68. минута побарал да биде заменет и го напуштил теренот откако ги прегрнал соиграчите. „Умешност е и да го препознаете моментот кога треба да застанете, а кога Модриќ ја увиде опасноста, го притисна копчето за пауза“, пишува АС и заклучува дека блесна на тестот против Кадиз.

„Навивачите на Кадиз го препознаа тоа и го испратија со овации. Заслужено збогување. Поради неговата одлична кариера и оваа игра. Тој беше клучен за победата“, се вели во него, опишувајќи го капитенот на хрватската репрезентација како играч без датум на истекување.