Фудбал
Мојс официјално нов тренер на Вест Хем
Вест Хем денеска го назначи Дејвид Мојс за нов менаџер кој доаѓа на местото на отпуштениот Славен Билиќ.
Поранешниот менаџер на Манчестер Јунајтед, Евертон и Сандерленд потпиша две и пол годишен договор со Вест Хем.
Се очекува уште попладне тимот да тренира под раководство на 54-годишниот шкотски фудбалски стручњак.
Мојс го очекува тежок предизвик, да го извади клубот од тешката резултатска криза.
По 11 рудни во Премиер лигата „чеканите“ се наоѓаат во зоната на испаѓање. Со само две победи и три нерешени средби, односно девет бода Вест Хем е на 18. место, далеку од амбициите што ги негуваше пред почетокот на шампионатот.