Мурињо бара трпение

Менаџерот на Манчестер Јунајтед, Жозе Мурињо, побара време за тимот да ја достигне посакуваната форма. Исто така, португалскиот специјалист ја истакна важноста на претстојниот натпревар со Тотенхем.

– Фудбалерите треба да тренираат повеќе за да имаат еден вид период што тие го немаа по завршувањето на Светското првенство. Дел од нив беа повредени, дел не беа со тимот. Потребно е време за да дојдеме до посакуваното ниво. Имаме можност веќе на средбата со Тотенхем да покажеме до каде сме. Играме со силен противник и ќе биде многу тешко, изјави Мурињо.

Португалецот е убеден дека мотивот кај неговите избраници е на многу високо ниво.

Натпреварот Манчестер Јунајтед – Тотенхем се игра вечер од 21 часот на „Олд Трафорд“.