Мурињо опседнат со Алдервилд

Контроверзниот менаџер на Манчестер Јунајтед, Жозе Мурињо, не се откажува од намерата да ги осигура услугите на белгискиот интернационалец од редовите на Тотенхем, Тоби Алдервилд.

Португалскиот стручњак е убеден дека Белгиецот е решение за сите дефанзивни проблеми кои ги има во актуелната сезона и поради таа причина, “специјалниот” во живо го следеше дуелот од Лигата на нации помеѓу репрезентативците на Белгија и Исланд.

Големата желба на Мурињо може да стане реалност веќе во јануари само доколку официјалната понуда за Алдервилд не биде помала од 80 мил. фунти.