На Сари му е потребно само уште едно засилување во Челзи

Маурицио Сари ова лето го замени својот сонародник Антонио Конте на клупата на Челзи и веќе некое време ја подготвува екипата за новата сезона.

Од доаѓањето на Сари на „Стемфорд Бриџ“ екипата на Челзи ја засилија само Жиржињо и резервниот голман Роб Грин.

Иако медиумите многу имиња поврзуваат со потенцијален трансфер во Челзи пред истекувањето на преодниот рок, италијанскиот стратег порача дека на неговата екипа му е потребно уште само едно засилување.

„Мислам дека нешто ни е потребно, но можеби само еден играч. Разговарав со луѓето во клубот за трансфер листата на играчи, но само еднаш, не повеќе. Разговаравме за позајмица. Сепак не зборувавме за имиња, така да не знам кој би можел да биде“, изјави Маурицио Сари.