Најлошата репрезентација на светот има девет пати повеќе навивачи од жители: Како настанал феноменот

Зголемената популарност на фудбалската селекција на Сан Марино во последно време е предмет на истражување на бројни медиуми, бидејќи официјално најлошиот тим на светот го следат стотици илјади фанови на социјалните мрежи. Сан Марино и официјално е најлошата репрезентација во светот. Во последните 20 години не победија никого, ремизираа само неколку меча и забележаа безброј порази.

⁉️¿Por qué gusta tanto la peor selección del mundo? La ‘Sanmarineta’ roza las 300.000 personas

✍️ @isaguillenl

🇸🇲 El hecho de que San Marino lleve 20 años sin ganar ha creado un fenómeno fan que multiplica por nueve la población de este paíshttps://t.co/gKOjlyrM1L

— Diario AS (@diarioas) June 11, 2024

Меѓутоа, во Сан Марино фудбалот се игра од чиста страст која не познава граници. Фактот што Сан Марино не победи никого 20 години создаде навивачки феномен кој вели дека репрезентацијата има околу 300.000 следбеници. Тоа е девет пати повеќе од населението на оваа мала земја.

„Една победа, неколку нерешени, порази бескрајни. Сепак страст без граници“, стои во описот на твитер профилот на „Сан Марино фудбал“, страницата на тамошната репрезентација која во последните месеци стана вистински хит. Со овој профил на Твитер управува аргентинскиот новинар Езекиел, кој докажува дека страста кон Сан Марино веќе ги преминала границите. Најголем дел од навивачите на репрезентацијата доаѓаат од странство.