Навивачите на Ајакс погодени со молотов коктел

На натпреварот помеѓу АЕК Атина и Ајакс од групната фаза во Лигата на шампиони, му претходеа низа инциденти кои беа предизвикани од фановите на грчкиот клуб.

Непосредно пред почетокот на мечот, кој беше одигран на Олимпискиот стадион во Атина, навивачите на АЕК фрлија неколку сигнални ракети кон гостинските фанови од Холандија, при што сериозно беа повреди неколкумина поддржувачи на тимот од Амстердам.

Некои од домашните обожаватели го напуштија својот сектор и се приближија до оној на гостинските навивачи. Без никаква полициска интервенција, грчките навивачи непречено фрлаа Молотови коктели и предизвикаа пожар. На сликите во социјалните мрежи, се гледаат крвави лица на некои од поддржувачите на Ајакс.

Според информациите, хаосот бил создаден затоа што меѓу навивачите на Ајакс имало навивачи на големиот локален ривал на АЕК – Панатинаикос.