Не постои човек кој повеќе го презира Бензема, но сепак тврди: „Ја заслужи Златната топка“

Францускиот фудбалер Матје Валбуена со години не разговара со Карим Бензема и ретко кој не го сака толку многу како него, но сепак верува дека напаѓачот на Реал Мадрид е моментално најдобриот фудбалер на светот.

Валбуена го обвини својот поранешен соиграч од француската репрезентација дека го уценувал со секс снимка, што подоцна Бензема го призна. Тој, всушност, пред судот призна дека му помогнал на својот пријател од детството, преку кој тројцата уценувачи се обиделе преку Бензема да стапат во контакт со Валбуена.

Напаѓачот на Реал Мадрид им призна на истражителите дека на собирот во 2015 година на соиграчот од репрезентацијата му рекол дека е во контакт исклучиво со својот пријател. Бензема тврди дека се обидел да му помогне на својот пријател и не размислувал за последиците за Валбуена.

Бензема поради тој скандал не играше за репрезентацијата долги пет години. Случајот продолжи на суд, а во ноември минатата година, судијата го осуди Бензема на една година условна казна за неговата улога во скандалот за предупредување што го чека доколку не го плати потребниот откуп за бришење на снимките.

37-годишниот играч за врска на грчки Олимпијакос сега смета дека скандалот мора да остане во минатото и дека приказната е веќе раскажана.

„Последниве години ја свртев страницата. Веќе никого не обвинувам. Беше тешко, но успеав да се вразумам. Би сакал поинаку да ја завршам кариерата, но така е“, кажа Валбуена.

Во интервју за RMC Sport, Валбуена дури изрази мислење дека Бензема го заслужува најценетото индивидуално признание во фудбалот.

„Не би бил искрен ако кажам дека не ја заслужува Златната топка. Секако дека ја заслужува. Во спортска смисла, можам да бидам целосно објективен и да признаам дека го заслужува тоа. Немам проблем со тоа“, изјави Валбуена.