„Пандев не требаше така да го прослави голот против Милан“

Македонскиот репрезентативец Горан Пандев се најде на удар на италијанскиот министер за спорт Винченцо Спадафора, поради начинот на кој го прослави голот против Милан.

– Изливот на емоции на Пандев, прегрнувањето со соиграчи е најдобар доказ дека не се почитуаваат препораките. За жал, во ваква ситуација мораме да носиме одлуки кои ќе делуваат заштитнички за здравјето на Италијанците, изјави Спадафора.

Сето ова е поради препораките за превенција од ширењето на коронавирусот. Сите мечеви се играат без публика, се препорачува што помал близок контакт, а владата и министерството бараа целосно прекинување на првенството, но не успеаја да се договорат со челниците на Серие А.