Перез сепак ќе преговара со Интер? Спремна е и првата понуда за Модриќ

Веќе неколку дена слушаме гласини за можниот трансфер на Лука Модриќ од Реал Мадрид во Интер. Наводно Интер е заинтересиран за 32-годишниот фудбалер од средниот ред, а Модриќ би можел да се одлучи за нов предизвик.

Првиот човек на Реал Мадрид Флорентино Перез претходно беше изречит во својот став дека сака да го задржи Модриќ, па за него побара сума од 750 милиони евра.

Сепак, сега италијанскиот „Il Giornale“ пренесува нови вести. Наводно во интер се уште се надеваат дека можат да го доведат Модриќ доколку капитенот на „Ватрените“ изрази желба и му соопшти на перез дека сака да го напушти Реал Мадрид.

Интер наводно подготвува и иницијална понуда за Модриќ од вкупно 40 милиони евра. Понудата вклучува позајмица од 15 милиони евра, а потоа и откупување на договорот за додатни 25 милиони евра.

„Il Giornale“ пишува дека оваа понуда ќе биде доволна да го донесе Перез на преговарачката маса, но дека од Реал се очекува да побараат близу 60 милиони евра. Така, Реал за Лука Модриќ, наводно би барал 25 милиони евра за позајмица и додатни 35 милиони евра за откуп на договорот.

Исто така се шпекулира дека „Нероацурите“ веќе неколку дена се во контакт со претставниците на Модриќ, и дека за најдобриот играч на Мундијалот се подготвува богат договор во времетраење од четири години.