По голема драма и пенали, дознавме уште еден патник на Мундијалот

Натпреварот меѓу Австралија и Перу се одигра на стадионот во Ал Рајан, а тоа беше и директна пресметка за едно од двете преостанати места на Светското првенство во Катар.

Франција, Данска и Тунис се сретнаа со последниот ривал во групата. Тоа ќе биде селекцијата на Австралија која по голема борба и уште поголема драма победи над Перуанците.

Во 90. минута мрежите мируваа, буквално никој не сакаше да загуби, па не беше премногу да се размислува за напад на противникот. И по дополнителните половина час игра немаше промени, па беа досудени пенали.

Мартин Бојл не користи пенал за Кенгурите на почетокот на престрелката, а во третата серија Адвинкула не користи пенал за Перу, па ги остави Австралијците живи. Во шестата серија промашија Перуанците, почна славјето на Австралијците.

Инаку, во Перу денешниот ден беше прогласен за национален празник, па се беше насочено кон следење на овој дуел. На крајот, ќе има многу солзи, тага и болка, но тоа е фудбалот.

Последниот патник на Мундијалот ќе го дознаеме утре, кога фудбалерите на Нов Зеланд и Костарика, исто така во Ал Рајан, ќе го одиграат финалниот натпревар во борбата за Мундијалот.

Победникот од овој дуел ќе се пласира во групата со селекциите на Шпанија, Германија и Јапонија.