Фудбал
По голот, Мбапе покажа маица со ликот на човекот на кој му ветил дека ќе се грижи за неговото семејство
Фудбалерите на Франција го совладаа Луксембург со резултат 3:0 во пријателски натпревар во рамките на подготовките за ЕП, а големо внимание привлече Килијан Мбапе, кој по голот му оддаде почит на неодамна починатиот тренер. Идниот напаѓач на Реал Мадрид постигна гол во 85. минута за 3-0, пред да ги крене рацете кон небото со истакната маица под дресот на која пишува „Почивај во мир, чичко“.
А кој е човекот на кој Мбапе му оддаде почит? На 1 јуни францускиот клуб АС Бонди ја објави смртта на Александре Константинидис на 50-годишна возраст, тренерот кој го тренираше Мбапе во клубот во кој ја започна својата кариера. Мбапе претходно напиша и порака на Инстаграм за Александар Константинидис:
FT: France 3-0 Luxemburg.
Kylian Mbappé with 1 goal & 2 assists! 🇫🇷🌟 pic.twitter.com/xRz9TwY2qh
— 𝐀𝐅𝐂 𝐀𝐉𝐀𝐗 💎 (@TheEuropeanLad) June 5, 2024
“Почивај во мир Алекс. Тешко е да се најдат зборови за да се искаже колку сум тажен. Прерано си замина и ќе ни недостигаш. Животот нема да биде ист без тебе, но ние ќе се грижиме за твоето семејство , бидете сигурни во тоа“, напиша Мбапе. Инаку, француските репрезентативци до стартот на ЕП ќе одиграат уште еден пријателски натпревар против Канада во Бордо, а прегледот на најдобрите европски селекции ќе го отворат со мечот против Австрија (17 јуни). Мбапе и неговите соиграчи во групната фаза ќе играат и против Холандија (21 јуни) и Полска (25 јуни).