Connect with us

Кошарка

Победи на Блокотехна, Фени и на Соколи во третото коло од кошаркарскиот шампионат

Екипите на Блокотехна, Фени Индустри и на Карпош Соколи запишаа победи над своите противници Шкупи, Охрид односно Куманово во рамки на третото коло од Првата кошаркарска лига.

По три одиграни кола екипата на Блокотехна останува силно на врвот на табелата во Првата лига (мажи) со перфектен скор од максимални три победи.

Гевгеличани фуриозно ја започнаа тековната сезона и продолжуваат со високи амбиции. Овој пат на нишанот на расположените кошаркари предводени од Марјан Илиевски се најде уште еден тазе прволигаш, екипата на Шкупи, која не можеше да ги спречи нападите на ривалот.

Шкупи – Блокотехна 83:115,
Фени Индустри – АВ Охрид 92:82 и
Куманово – Карпош Соколи 83:94.

Двојките за другите три средби од 3.коло се:

Пелистер – Гостивар (денес),
Кожув – Работнички (24 октомври) и
Струмица – МЗТ Скопје Аеродром (25 октомври).