Прекинат тренингот на Формула 1 во Сингапур, редарите бркаа голем гуштер (ВИДЕО)

Исклучително интересна сцена беше видена за време на третиот тренинг во Формула 1 за Големата награда на Сингапур.

По дваесетина минути  беше покажано црвеното знаме и сите болиди мораа веднаш да се вратат во боксот, а причина за тоа беше голем гуштер кој влезе на патеката. Гуштерот влегол на патеката Марина Беј и, за среќа, веднаш бил забележан, а бил избегнат потенцијален инцидент доколку некој од болидите удрил во него. Не само што животното би било мртво во случај на судир, туку и автомобилот сигурно би бил многу оштетен.

Watch the lizard being faster than the Sauber this year 😭 pic.twitter.com/GxQDe5QYJg

— Cecilie | Mentally still in Silverstone ✨ (@Cecilie_F1) September 21, 2024

Откако сите болиди влегоа во боксот, стјуардите излегоа на патеката обидувајќи се да го фатат гуштерот. Гуштерот побегнал од нив, што ги воодушевило коментаторите кои биле импресионирани од неговата брзина. На крајот гуштерот бил фатен и можел да се продолжи со третиот тренинг. Квалификациите за Големата награда на Сингапур ќе се одржат денеска во 15 часот, а трката е закажана за утре во 14 часот.