Претседател на Барселона по дебаклот: Навивачи, извинете!

Претседателот на Барселона, Жозеп Марија Бартомеу им се извини на навивачите на каталонскиот клуб по срамот и дебаклот против Баерн.

Тимот на Каталонците беше понижен со 8:2, а по натпреварот, претседателот Бартомеу им се извини на навивачите:

„Фанови, извини“, рече Бартомеу, додавајќи:

„Не ги исполнивме очекувањата. Пике е во право дека ова е катастрофа. Сега ќе донесеме различни одлуки, некои имав на ум пред натпреварот и ќе ги направиме во наредните денови“, изјави претседателот на Барселона по натпреварот.

Ова е најголем пораз на Барселона со шест гола разлика од 1951 година.