Прв пораз за Реал Мадрид во Евролигата

Кошаркарите на Реал Мадрид синоќа во натпревар од 5.коло од Евролигата го претрпеа првиот пораз откако загубија од Химки со 80:86.

Гостите од Русија имаа предност во текот на целиот натпревар,а најдобар на теренот беше Алексеј Швед, кој постигна 20 поени. Сега двата тима по пет дуели имаат по четири победи и по еден пораз, а единствено без пораз е Олимпијакос.

На другите дуели одиграни синоќа гостинска победа постигна Бамберг против Црвена Звезда 75:69, а триумфи дома остварија: Фенербахче против Валенсија (79:66), Басконија против Панатинаикос (85:84) и Макаби Тел Авив против Милано (79:66).

Вечерва се играат три дуели: ЦСКА Москва – Жалгирис, Ефес Анадолу – Уникаха и Барселона – Олимпијакос.