Прва победа за Бурнемут во новата сезона од Премиер лигата

Фудбалерите на Бурнемут ја постигнаа првата победа во новата сезона од Премиер лигата, откако синоќа на „отворањето“ на 5. коло како домаќини го совладаа Брајтон со 2:1.

До првите бодови Бурнемут стигна со пресврт, бидејќи противникот поведе во 55. минута преку Сали Марч.

Човекот на пресврт беше Џордан Ајб, кој во игра влезе во 65. минута и асистираше на постигнувањето на двата гола. Во 67. минута стрелец беше Ендрју Шурман, а во 73. минута Џермејн Дефо.

Бурнемут сега е во групата на екипи со три бодови заедно со Лестер и Вест Хем, додека без бод е Кристал Палас. Брајтон со четири бодови остана на 14. место на табелата.

Попладнево се играат уште седум натпревари од 5. коло, а последните два дуели на програмата се утре.