“Реал Мадрид е виновен што мојот син сега не е член на нивниот тим”

Белгискиот фудбалер Еден Азар ова лето се поврзуваше со преселба во Реал Мадрид, но како што стојат работите сега, речиси сигурно ќе остане член на Челзи.

Откако Кристијано Роналдо го напушти Реал Мадрид, првата желба на Флорентино Перез беше Азар и се чинеше дека Белгијецот својата кариера ќе ја продолжи во дресот на Кралскиот клуб. Азар, исто така, рече дека има голема шанса да го напушти Челзи и да оди во Реал, но на крајот, ништо не се случи од тоа.

Многумина веруваат дека Челзи одбил да го продаде својот најдобар играч, но таткото на Азар, Тиери, рече дека е всушност се беше до Реал Мадрид. Челзи беше подготвен да продаде Азар и да заработи огромни пари, но според приказната на Тиери на крајот на оваа сага, Реал Мадрид беше тој што се повлече од преговорите.

“Не можам да кажам зошто немало трансфер. Не затоа што не сакам, туку затоа што не знам. Можам само да кажам дека е до Реал Мадрид и очигледно е дека тие им се свртеа на помладите играчи на кои сакаат да им дадат шанса. Еден нема уште многу од договорот со Челзи, но вистината е дека можеби никогаш нема да игра за Реал Мадрид “, изјави неговиот татко, Тиери, кој верива дека заминувањето на Зидан има голема улога за пропаѓањето на трансферот, а потоа додаде:

“Тоа е човек кој секогаш бил идол за мојот син и сигурен сум дека сега би била друга приказна ако тој останеше во Реал Мадрид. Зидан го почитува она што го прави мојот син и го сакаше во неговиот тим. Но, секако дека и тој имал добри причини за конечно да го напушти Реал “.