Реал Мадрид ги враќа фудбалерите за иднината, а четворица на продажба

Реал Мадрид планира да си врати четворица отстапени играчи за новата сезона. Клубот одлучи да ги врати Ашраф Хакими од Борусија Дортмунд, Дани Себаљос од Арсенал, Мартин Одегар од Реал Сосиедад и Такеке Кубо од Мајорка. Тие покажаа дека растат во екипите каде што беа испратени да играат, а шефовите на Реал веруваат дека сега можат да се интегрираат во првиот тим на Мадрид.

Во исто време ќе се обидат да продадат четворица други играчи од сегашната постава, за да направи простор за повратниците. Се работи за Герет Бејл, Лукас Васкез, Хамес Родригез и Маријано Дијаз, кои не се во плановите на Зинедин Зидан.

Во меѓувреме, голема е веројатноста дека ќе бидат испратени на позајмица некои играчи на кои Французинот нема да смета, како Андреј Лунин, Лука Зидан, Алваро Одриосола, Хесус Ваљехо, Серхио Региљон, Оскар Родригез и Борха Мајорал.