Фудбал
Реал Мадрид убедливо славеше над Легањес
Реал Мадрид го потопи Леганес на „Сантијаго Бернабеу“ во рамките на 3. коло од Ла Лига.
„Кралевите“ продолжиа со одличниот ритам и ова им е третиот триумф во шпанското првенство, а шоуто на мечот против Леганес дефинитивно го приреди напаѓачкиот тандем Бејл – Бензема.
Бејл ги донесе „Кралевите“ во водство во 17. минута од натпреварот, меѓутоа Леганес успеа да изедначи, па со резултат од 1:1 замина на одмор.
Во другиот дел од натпреварот Реал играше одлично. Веќе во петтата минута од второто полувреме Бензема погоди за ново водство, а десет минути подоцна Французинот повторно постигна гол. До крајот Реал успеа да постигне уште еден погодок, овој пат преку Рамос од пенал.
По три натпревари Реал е на чело на табелата со девет бодови, додека Леганес, кој се уште не знае за триумф, се наоѓа на 19. место на табелата.