Реал се „сопна“, Анчелоти вели судиите измислија пенал (ВИДЕО)

Фудбалерите на Жирона направија големо изненадување и одиграа 1:1 со Реал во Мадрид, во 12. коло од шпанската Ла Лига.

„Победник“ од ова коло во Шпанија е Барселона, која дојде на бод од Реал. Мадриѓаните имаат 32 бода, а Каталонците 31.

Жирона е на 16. позиција со 10 бодови на своето конто.

Гостинскиот тим одигра храбро, имаше неколку сериозни шанси во текот на натпреварот и целосно заслужи да земе голем бод од стадионот „Сантијаго Бернабеу“.

Голот за Реал го постигна Винисиус, а за Жирона Стуани од пенал. Карло Анчелоти, тренерот на Реал Мадрид по мечот изјави дека судиите практично подариле пенал на Жирона, бидејќи според него не постеле елементи за најстрога казна.