Фудбал
Романски второлигаш по 42 години обезбеди пласман во Европа
Романскиот второлигаш Корвинул Хунедоара избори пласман во европските купови за прв пат по 42 години чекање. Корвинул се пласираше во Европската лига освојувајќи го Купот на Романија со победата во финалето против Оцелул Галати по подоброто изведување пенали со резултат 3:2.
Корвинул е основан во 1921 година, а во својата историја четири пати ја освоил втората лига. Неговиот најдобар резултат во романскиот шампионат беше третото место во 1982 година, кога единствен пат се квалификуваа за европските натпреварувања. Во 1982 година во првото коло од Купот на УЕФА го елиминираа австрискиот ГАК со вкупен резултат 4:1 (3:0, 1:1), а во второто беа елиминирани од Сараево.