Самуел Ето осуден на пропаст: Призна се, но тврди дека за се е виновен неговиот „втор татко“

Поранешниот камерунски напаѓач Самуел Ето и неговиот агент Хозе Марија Месаљес се осудени во Шпанија поради затајување данок.

Поранешниот камерунски репрезентативец кој настапуваше за големи клубови како Реал Мадрид и Барселона е осуден пред шпанскиот суд на 22 месеци затвор, а му е одредена и парична казна од 1,8 милиони евра.

Неговиот агент е осуден на една година затвор и парична казна од 905.000 евра. Двајцата беа казнети со околу четири милиони евра неплатени даноци во периодот од 2006 до 2009 година.

Ето и Месаљ се изјаснија за виновни и ја прифатија казната. Поради тоа што и двајцата претходно не беа казнети, извршувањето на казната беше прекинато. Поранешниот камерунски фудбалер, сепак, за се го обвини својот агент, кого го нарече „втор татко“.

„Свесен сум за фактите и ќе платам, но нека се знае дека тогаш бев речиси дете и секогаш го правев она што татко ми го бараше од мене“, рече играчот.

Случајот ќе продолжи бидејќи Ето поднесе тужба против својот агент за наводна даночна измама и проневера на управувањето со неговиот имот.

Камерунецот е еден од најдобрите африкански фудбалери на сите времиња. Во националните бои одигра 118 натпревари и постигна 56 голови. Поранешниот напаѓач ги освои Олимписките игри во Сиднеј со националниот тим во 2000 година и двапати го освои Африканскиот куп на нации (2000 и 2002 година).

Може да се пофали и дека три пати ја има освоено Лигата на шампионите, двапати со Барселона и еднаш со Интер, а кариерата ја заврши во 2019 година.

Од декември минатата година тој е претседател на Фудбалската федерација на Камерун.