Сари: Наполи ја изгуби битката за титулата со Јувентус во хотел, а не на терен

Наполи ја загуби титулата во Серија А, гледајќи го Јувентус, наместо на теренот, изјави Маурицио Сари. Според тренерот на неаполитанците, критичниот момент во трката за титулата бил пред две недели, кога неговите играчи гледале како Јувентус победува против Интер со 3:2, со два гола во последните пет минути.

„Тимот претрпе психолошки удар поради начинот на кој заврши натпреварот Интер и Јувентус. Разочаран сум дека го изгубивме шампионатот во хотелот, а не на теренот. Треба да бидеме психички посилни и помалку чувствителни, но Серија А исто така треба да се подобри. Во последните 16 круга, ние игравме 14 пати по Јувентус. Бидејќи тие ги освоија скоро сите овие натпревари, тоа ни делуваше психички“ изјави Сари.

Тој проговори и за својата иднина во тимот од Неапол.

„Јас многу го сакам градот и навивачите и овој став никогаш нема да се промени без оглед на тоа како приказната ќе заврши“, рече Маурицио Сари.