Се подготвува вистинска машинерија, можно ли е вака да изгледа составот на Челзи следната сезона (ФОТО)

Челзи би можел да биде главна тема на летниот преоден рок ова лето. Иако претходните месеци овој клуб имаше проблеми поради промена на сопственоста, се чини дека ситуацијата на Стемфорд Бриџ конечно се стабилизира. Челзи летово ќе направи неколку промени во играчкиот кадар, а клубот веќе го напуштија Ромелу Лукаку, Андреас Кристенсен и Антонио Рудигер.

Се очекува наскоро „сините“ да воведат нови засилувања, а најблиску до потпис за лондонскиот клуб е Рахим Стерлинг, кој најверојатно ќе пристигне од Манчестер Сити.

Сепак, Челзи нема да застане тука бидејќи се повеќе се шпекулира дека овој клуб сака да го доведе Кристијано Роналдо како замена за Лукаку.

Трансферите на Стерлинг и Роналдо би можеле да го чинат Челзи околу 60 милиони фунти, но тие сигурно ќе добијат огромни засилувања пред новата сезона доколку дојдат во овој клуб.

Исто така, се шпекулира дека Челзи е заинтересиран и за Матијс де Лихт, кој очигледно има намера да го напушти Јувентус. Покрај Челзи, интерес за овој холандски дефанзивец покажа и Баерн.

Англиските медиуми веќе почнаа да шпекулираат за тоа како би можел да изгледа составот на Челзи за новата сезона, а доколку сите тие гласини се остварат, тогаш сините ќе изгледаат навистина, навистина моќно.

Можен состав на Челзи за новата сезона: Менди, Џејмс, Де Лихт, Тиаго Силва, Чилвел, Канте, Ковачиќ, Маунт, Стерлинг, Хаверц, Роналдо.