Шест фудбалери отпишани од „Олд Трафорд“

Менаџерот на Манчестер Јунајтед, Оле Гунар Солскјер веќе отпиша шест играчи.

„Црвените ѓаволи“ играат фантастично по враќањето на фудбалот, конечно се упатија кон врвот на Премиер лигата, но за можна борба за титулата, ќе треба да ангажираат засилувања.

За да собере дополнителни пари за купувањето, Јунајтед ќе се ослободи од неколку фудбалери. Менаџерот Солскјер веќе знае на кога нема да смета и има шест играчи на списокот.

Најзвучното име е секако Алексис Санчез. Чилеанецот беше отпишан од „Олд Трафорд“ уште одамна, тој играше на позајмица во Интер минатата сезона, но летово се враќа во Манчестер.

Сепак, Солскјаер не го сака. Тој јасно стави до знаење дека не смета на неговите услуги, но договорот од 25 милиони евра годишно е огромен проблем и тешко е да се најде купувач за овој фудбалер.

Исто така меѓу пречкртаните имиња се и Крис Смолинг, Маркос Рохо, Фил Џонс, Џеси Лингард и Диого Далот. Јунајтед ќе се обиде да ги продаде сите нив и за повеќето не треба да има проблем да најдат купувач.

Исклучок е Алексис кој е секако една од најголемите грешки во историјата на клубот.