Шевченко не може да потпише селекторски договор поради Џенова

Легендарниот Украинец Андриј Шевченко не се снајде најдобро како тренер на клупски план.

Тој забележа дури седум порази во 11 натпревари во кои ја предводеше Џенова во Италија. Успеа да оствари само една победа, додека три дуели завршија нерешено.

Брзо доби отказ поради очајните резултати, а се очекува да се врати на тренерската работа.

Украинските медиуми веќе најавија дека Шевченко ќе ја преземе испразнетата клупа на полската репрезентација на која што поскоро и треба селектор, со оглед на тоа дека во март ги очекува бараж за пласман на СП.

Сепак, работите засега ги запира Џенова.

Условите за прекин на соработката со Џенова не се договорени, Шевченко и неговиот стручен штаб се уште се на платен список и се додека е така Андриј не може да добие нова работа.

Да потсетиме, со клупата на полската репрезентација се поврзуваше и хрватскиот стручњак Славен Билиќ.