Connect with us

Фудбал

Шок, Хари Мегваер го нема на списокот! (ФОТО)

Привремениот селектор на фудбалската репрезентација на Англија, Ли Карсли, го објави списокот на повикани фудбалери за претстојните натпревари од Лигата на нации. На Англичаните им претстои втора средба откако долгогодишниот селектор Герет Саутгејт се повлече од клупата, а на клупата привремено беше заменет од Ли Карсли, поранешниот селектор на младата репрезентација. Карсли ќе биде привремено таму и ќе ја „чува работата“ за некоја голема ѕвезда која ќе ја преземе Англија, но има и мали шанси да биде задржан и да добие постојан договор. Англичаните имаат два натпревари во Лигата на нации против Грција и Финска во кои ќе бидат големи фаворити за нови победи, а меѓу поважните работи е изоставувањето на Хари Мегваер од списокот на репрезентацијата.


Интересно, по седум години отсуство од списокот, повикан е напаѓачот на Тотенхем, Доминик Соланке. Последен пат Соланке беше повикан во националниот тим во 2017 година на мечот против Бразил. Враќање во репрезентацијата забележа и Кајл Вокер кој на последниот собир не беше меѓу Трите лава. Карсли во националниот тим покани и неколку играчи кои ги водеше во репрезентацијата на Англија до 21 година, а тоа се Морган Гибс-Вајт, Нони Мадуек и Анхел Гомес.